СБУ: Русија подготвува напад на рафинерија во Белорусија за кој ќе ја обвини Украина

Украинската служба за безбедност СБУ денеска ја обвини Русија дека подготвува напад под „лажно знаме“ на нафтената рафинерија Мозир во Белорусија со цел да ги обвини украинските диверзанти и да се обиде да ја вовлече Белорусија во војната во Украина, пишува Sky News.

СБУ наведува дека оваа информација ја добила од повеќе извори, меѓу кои и заробен руски војник, и дека нападот го подготвува диверзантско-разузнавачка група составена од руски вооружени сили и членови на групата „Вагнер“.