Шпанскиот уставен суд пресуди денеска дека минатогодишната владина наредба за „локдаун“ за време на вонредната состојба е неуставна.
Денешната пресуда е одговор на тужбата на екстремно десничарската партија Вокс.
Судот во кратка изјава соопшти дека одлуката не е донесена едногласно, а државната телевизија ТВЕ објави дека шест судии гласале за, а петмина биле против.
Во пресудата се вели дека ограничувањето на движењето ги крши основните права на граѓаните и фактот дека одлуката била на сила за време на вонредната состојба не е доволна за да се прогласи за уставна.
Поради пандемијата, шпанската влада прогласи вонредна состојба на 14 март 2020 година, забранувајќи им на граѓаните да ги напуштаат своите домови, освен за набавка на потребните намирници.
Сè уште е нејасно дали пресудата ќе ги отвори вратите за тужби против владата.