Шведскиот премиер: Нема да го менуваме законот за слобода на говор поради палењето на Куранот

од Stefanija Kuzmanovska
245 прегледи

Шведска денеска соопшти дека не планира да прави опсежни промени во своите закони за слобода на говорот, но повтори дека ќе ги разгледа измените кои ќе ѝ овозможат на полицијата да го запре палењето на светите книги во јавност доколку постои јасна закана за националната безбедност.

„Ние се залагаме за шведската слобода на говор“, рече премиерот Улф Кристерсон на прес-конференција. Во Шведска и во Данска вчера повторно беа запалени копии од Куранот, а владите на двете нордиски земји најавија дека истражуваат како можат законски да спречат вакви инциденти во обид да ги намалат растечките тензии со неколку муслимански земји.

Тоа предизвика гнев во земјите со мнозинско муслиманско население, кои бараат од нордиските власти да го спречат и запрат палењето на светата книга на исламот.

Шведскиот министер за надворешни работи ги осуди „исламофобични акции“

Данската влада во неделата објави дека ќе бара да се најде „правна алатка“ што ќе им овозможи на властите да интервенираат кога ќе се одржат такви протести, доколку се оцени дека предизвикуваат „големи негативни последици за Данска, не само во однос на безбедноста“.

Во јули, шведската влада објави дека размислува за слично решение, но десничарските партии од двете земји ги осудија иницијативите, а некои посочија дека слободата на говор не треба да биде загрозена.

Шефот на шведската дипломатија Тобијас Билстром рече дека испратил писма до сите 57 земји-членки на Организацијата за исламска соработка (ОИЦ) за да им го објасни правото на собир што се почитува во Шведска, а во исто време ги осудил исламофобните дејствија.

Слични содржини