Сопругата на уапсениот руски опозиционер Алексеј Навални, Јулија, повторно беше приведена во Москва откако се појави на митингот со кој се бара ослободување на нејзиниот сопруг. Таа исто така беше приведена минатиот викенд, а по неколку часа беше ослободена.
На социјалните мрежи се појави видео на кое се гледа како неколку полицајци ја приведуваат Јулија Навални во комбе и ја одведуваат додека поддржувачите го извикуваат нејзиното име.
Юлию Навальную задержали на протесте в Москве. #protest #Moscow #Russia #Navalny pic.twitter.com/hUU7mr1O5l
— Yashar Huseyn (@yasharhuseyn) January 31, 2021
Јулија денес учествувала на еден од бројните протести низ целата земја што се одржуваат за поддршка на уапсениот опозиционер и таа е една од десетиците лица кои беа приведени во главниот град.
Протестот беше организиран и покрај забраната на владата.
Според тврдењата на набљудувачката група ОВД-Инфо, на денешните протести се уапсени над 1.600 лица, а протестите се одржуваат од Москва до далечниот Владивосток.