РТС, државната српска телевизија, направи потег достоен за тоталитарните режими за време на Олимписките игри во Токио. Непосредно пред последната борба за џудистите во категоријата до 57 килограми, таа го прекина преносот на натпреварот.
Причината е што финалист и фаворит за златото беше Нора Ѓакова, Албанка од Косово. Така, Србите не требаше да гледаат она што не можат да го издржат – како за нив омразеното, независно и албанско Косово, за кое сметаат дека е откинато од Србија, настапува на Олимписките игри и таму е поуспешно од Србија.
Имено, Ѓакова ја доби последната борба, која Србија не сакаше да ја види, па така Косово го освои својот втор златен медал од почетокот на Игрите. Првиот го освои друг џудист, Дистриа Красниќи.
Оливера Ковачевиќ, уредник на РТС, објасни смешно објасни зошто преносот на џудо од Токио нагло бил прекинат токму кога репрезентативецот на Косово се борел за злато: „На повеќето новинари од нашата куќа им беше наметнат двонеделен карантин во Токио, па преносот беше прекинат затоа што немаме доволно луѓе да ги покриваат сите настани“.
Србија не го признава фактот дека Косово е независна и меѓународно призната држава и продолжува да тврди дека провинцијата е дел од српската држава.
Србите се огорчени што по војната на Косово во 1999 година и интервенцијата на НАТО, нивните воени и полициски сили беа протерани од таму, а Косово од дел од Србија стана независна држава со огромно албанско мнозинство. Затоа многу Срби или го напуштиле Косово или биле протерани од таму.