Опозицијата категорично ги отфрла обвинувањата на собранискиот спикер, Талат Џафери дека поради нивното блокирање не можат да се назначат нови судии во Уставен суд.
-Ако има квалитетни предлози за уставни судии, можеме да ги избереме уште денеска, вели Бојан Стојаноски од ВМРО-ДПМНЕ и додава дека претседателот на Парламентот Џафери може веднаш да ја свика Комисијата за избори и именувања.
Тој вели дека поради тоа што некои пратеници станаа градоначалници само во Комисијата за финансирање и буџет има две празни места.
– Kомисијата не може да биде блокирана.Едниот пратеник што недостасува во таа комисија е од СДСМ кој стана градоначалник на Струмица. Од аспект на уставните судии не е точно писмото кое Џафеи го испрати до Кацарска. Она што е важно во овој момент Комисијата може да избере кадри со консезнусни, доколку не им се допаднат може да се изберат нови, вели Стојаноски во Утрински Брифинг.