Тројца Срби убија Американец во Белград

од Nikola Popovski

Српската полиција по наредба на Вишото јавно обвинителство во Белград, ги уапсила Ѓ. В. (1964), Р. Б. (1986) и М.Ј. (1983) поради постоење основи на сомнение дека убиле 54-годишен американски државјанин, соопшти Министерството за внатрешни работи на Србија.

Како што пишуваат српските медиуми, Американецот бил претепан до смрт, а убиството се случило ноќта помеѓу понеделникот и вторникот во улицата „Вељко Дугошевиќ“ во белградската населба Звездара.

На убиството му претходело случајно запознавање на тројцата уапсени и американски државјанин. Тие пиеле пијалоци, а потоа започнала расправија, под засега неутврдени околности.

Се шпекулира дека мотивот за убиството на американскиот граѓанин било користољубие.

Според неофицијални информации, откако го претепале несреќниот човек, осомничените пронашле и од жртвата одзеле 2.500 динари.

Американецот наводно дошол во Белград во декември минатата година, каде живеел со девојка од Србија.

Неговиот идентитет, но и други информации за него не се објавени.

Инспекторите на Третото одделение на белградската полиција работат на расветлување на сите околности на овој случај.

Тројцата уапсени, меѓу кои и една жена, се товарат за тешко убиство.

По одобрување на заменик-вишиот јавен обвинител, им е одреден притвор од 48 часа, а во тој период ќе бидат сослушани во Вишото јавно обвинителство во Белград.

loading...

Слични содржини