Полицијата во Албанија уапсила две лица под сомнение дека го запалиле српското знаме на вчерашните протести во Тирана, пишува „Газета Сињали“.
Според албанскиот портал „Топ чанел“, уапсените лица се однесени во полициска станица на распит, објави „Косово онлајн“.
Live / Albanians burn the Serbian flag in Tirana.
Dozens of Albanian citizens summoned by #SaliBerisha, are protesting in #Tirana against #AleksandarVucic and "#OpenBalkan" pic.twitter.com/I74zATfLhF— Isa Myzyraj (@IsamyzyrajAlb) December 20, 2021
На синоќешниот протест организиран од поранешниот албански премиер Сали Бериша, кој е насочен против доаѓањето на српскиот претседател Александар Вучиќ и одржувањето на состанокот во рамките на иницијативата „Отворен Балкан“, запалено и газено било српското знаме.
Премиерот Зоран Заев и претседателот на СДСМ, Димитар Ковачевски ја предводат владината делегација која ќе земе учество на редовниот состанок на иницијативата „Отворен Балкан“, која ќе продолжи денеска во Тирана.