По скоро три неделна пауза угостителски објекти од денеска започнуваат со работа.Според одлуката на кафулињата и кафаните им е дозволено гости да примаат на отворените летни тераси.
-Почнувајќи од 28 април сите угостителски објекти ќе можат да работат само во отворените делови, односно на терасите на угостителските објекти и тоа до 20:30 часот после што треба да бидат затворени за посетители.Компаниите од угостителската дејност регистрирани за прослави (свадби, родендени, крштевки и слично) ќе можат да ја организираат работата само како ресторани на отворено, односно на терасите, а забраната за организирање свадби, родендени, крштевки и слично, останува.Исклучок од ова се угостителските објекти на меѓународните аеродроми, како и во објектите за сместување (хотели, мотели, хостели, пансиони и друго) за лицата кои се сместени во овие објекти, кои остануваат да работат како и до сега, велат од Владата.
Протоколите кои беа донесени угостителските објекти треба да продолжат да ги почитуваат:
Задолжително поставување на дезинфекционо средство за раце на секоја маса
Засилени внатрешни контроли на вработените лица од страна на одговорно лице за одржување на личната хигиена (често миење раце) во сите фази на подготовка, прием и послужување на пијалоци
Засилени санитарно-хигиенски мерки, задолжително пребришување на масите со средство за дезинфекција кое делува на вируси според упатство од производителот, по заминување на секоја тура на гости. На крајот на смената задолжително механичко чистење и дезинфекција со средство кое делува на вируси според упатство од производителот, алтернативно може да се користи 0,05% натриум хипохлорит (5% белило за домаќинство кое се користи во размер 1:100) или 70% алкохол за дезинфекција на горни површини.
Редовно одржување на тоалетите со задолжително водење на евиденција за спроведеното чистење и употреба на горенаведените дезинфекциони средства.
Забрането организирање на прослави (веселби, родендени и сл.)
Почнувајќи од денес до 15.мај полицискиот час ќе почнува од 21 часот до 05 изутрина, но за претстојните верски празници оваа мерка нема да не важи. Тоа значи дека граѓаните слободно ќе се движат во сабота кон недела, односно од 1. кон 2. мај, како и помеѓу 12 и 13 мај, денови кога се слави Велигден и Бајрам.