Службата за безбедност на Украина (СБУ) објави видео од уништувањето на дури десет руски тенкови и едно оклопно возило. Операцијата, тврдат, била извршена само за една ноќ.
Заедно со видеото во објавата пишувало дека специјалци од единицата на СБУ „Бели Вукови“ уништиле десет тенкови, пишува Јутарњи лист.
„Нашите специјални сили од Центарот за специјални операции „А“ уништија непријателска опрема во правец на Доњецк. Запален е и еден непријател БТР. Со тој чин во една ноќ се уништени единаесет мети“, се вели во соопштението.
Од друга страна, Олександр Сирски, командант на копнената армија на Украина и командант на Источната група на вооружените сили на Украина, изјави дека Русија го напаѓа речиси целиот источен фронт.
„Сепак, Бахмут сè уште е епицентарот. Борбите за градот продолжуваат. Непријателот ги ангажираше сите свои сили и се обидува да ја пробие одбраната на неколку фронтови и целосно да го опколи градот“, рече Сирски.