Според него, Украина се залага за организирање ваква средба со цел да им се даде „нов импулс“ на преговорите, пренесува „Правда“.
„Се обративме до Турција и до уште неколку главни градови… Но, ако кој било друг главен град, освен оние во Русија и Белорусија, организира ваква средба, ние ќе дојдеме. Тоа ни е важно“, изјави Сибиха пред новинарите.
Потсетуваме, Сибиха минатата недела изјави дека Зеленски е подготвен да се сретне со Путин во Турција, со учество на претседателот Реџеп Таип Ердоган и американскиот претседател Доналд Трамп. Претходно во април, и самиот Ердоган потврди дека е подготвен да биде домаќин на следната рунда преговори насочени кон завршување на руско-украинската војна.
Зеленски, исто така, изрази надеж дека САД би можеле да помогнат во завршувањето на војната и го повика Вашингтон да изврши притисок врз Русија, а не врз него. Воедно призна дека поради војната со Иран, вниманието на администрацијата на американскиот претседател Доналд Трамп и неговите преговарачи во моментов е насочено подалеку од преговорите за руско-украинскиот конфликт.