61
Уметничка колекција на милијардерот Дејвид Рокфелер, во која се наоѓаат и дела на Пабло Пикасо, Клод Моне и Џорџија О’Киф, денеска е ставена на аукција во просториите на Кристи‘с.
Се очекува заработката од наддавањето да достигне 500 милиони долари, кои потоа ќе бидат проследени до бројните филанторпи кои Рокфелер и негова сопруга Пеги ги поддржуваа додека беа живи.
Вечерашната аукција ќе биде фокусирана на 19. и 20. век, а меѓу предметите ќе се најдат и дела на Пол Гоген и Анри Матис. Утре вечер ќе бидат понудени дела на американските уметници Вилем де Кунинг, Едвард Хопер и Џон Сингер Сарџент.
Дејвид е внук на Џон Рокфелер, и почина во март 2017, на 101 година. Со Пеги беа во брак повеќе од 50 години, а таа почина во 1996 година./МИА