Вдовицата на Хју Хефнер, Кристал Хефнер, во своите мемоари „Only Say Good Things: Surviving Playboy and Finding Myself“ открива дека нејзиниот сопруг инсталирал камери во неговата спална соба.
Кристал тврди дека нашла „мали шпионски дупки“ во подножјето на неговиот кревет и верува дека тој ги снимал своите сексуални авантури.
„Кога го прашав за нив, тој само ги крена рамениците“, напиша таа.
„Но, за што се тие?“, го прашав. „Снимав многу“, гордо рече тој. Имав часови видеа, стотици секси видеа“, стои во дел од мемоарите.
Кристал, исто така, го прашала дали жените знаат дека ги снима, на што тој рече дека тоа е неговата спална соба и неговата куќа. Тој и признал дека снимал и познати личности од А-листата и дека имал „видеа од диви оргии, исто така со познати личности и политичари и бизнис лидери, од кои некои биле во брак“.
Кристал неодамна се отвори за нејзиниот брак со Хефнер, седум години по неговата смрт.
– Изгледаше како свет на успех и фантазија, но мора да спиеш со 80-годишен старец. Има цена. Сè има цена – изјави таа за People.
Таа открила и дека често морала да ја фарба косата бидејќи тоа навистина му пречело на Хју кога и се гледал „коренот“.
– Морав постојано да се фарбам и тоа ми го гореше скалпот и имав плускавци. Но, поради некоја причина, мислев дека сето тоа е нормално и дека е неопходно да се биде убав во очите на Хеф – додала таа.