Вчера наутро избувна пожар во хостел во Велингтон, Нов Зеланд, при што загинаа шест лица. Полицијата денес извести дека смета дека пожарот е подметнат и истрагата ја насочила кон потрага по сторителот.
Засега никој не е уапсен, изјави утрово инспекторот Дион Бенет, но не даде детали за причините поради кои веруваат дека пожарот е подметнат, ниту пак откри што би можело да биде средство за потпала.
10 people killed in fire at New Zealand hostel#newzealand #wellington #hostel #fire #fires #hostelfire #loaferslodge #hostels #nzpol #chrishipkins #torywhanau @Sanjubolbam pic.twitter.com/wNboXQkNrl
— Shekhar Pujari (@ShekharPujari2) May 16, 2023
„Бројот на жртви може да се зголеми“
Во хостелот во моментот на пожарот имало 92 лица, а ден потоа се уште нема точна бројка на исчезнати лица, изјави Бенет. Сегашниот број на исчезнати е помалку од 20, вклучително и шест лица за кои е потврдена смртта, рече тој, пренесе Би-Би-Си.
„Сметаме дека бројот на загинати може да се зголеми“, рече Бенет.
Adelaide Road is currently closed between John Street and the Basin Reserve due to a fire at a Newtown hostel. pic.twitter.com/25EUZxzevl
— Wellington City Council (@WgtnCC) May 15, 2023
Пожарот избувна вчера во 00:25 часот и принуди десетици посетители да скокнат од креветот и да се обидат да излезат. Некои скокнале од прозорците на четирикатницата, а петмина биле спасени од покривот пред пожарот да биде ставен под контрола околу 6 часот наутро.