Внукот на пејачот Рики Мартин, Денис Јадиел Санчез, ги отфрли обвиненијата за инцест, пренесува NBC News. Денис „доброволно се откажа“ од случајот и судијата ја укина наредбата за привремена забрана, изјави портпаролот на судот.
„На виртуелното судско рочиште, внукот доброволно се откажа од обвинението и рече дека повеќе не му треба наредба за заштита“, рече портпаролот на судот.
Расправата не беше отворена за јавноста.
Наредбата за привремена забрана, која истекува денеска и нема да биде обновена, беше издадена на 1 јули според Законот за спречување и интервенција на семејно насилство во Порторико, откако внукот тврдеше дека имал романтична врска со Мартин и сега „се плаши за неговата безбедност“.
Мартин и Денис присуствуваа на сослушувањето, а адвокатот на пејачот рече дека Рики бил подготвен директно да му се обрати на судијата на сослушувањето и да негира дека имал романтична и сексуална врска со неговиот внук.
Мартин исто така имал намера, доколку била поднесена тужба, да ги оспори наводите дека го демнел и малтретирал својот внук.