Во Иран егзекутирани три жени за убиство на своите сопрузи

Иранските власти егзекутираа три жени за убиство на нивните сопрузи, соопшти иранска група за човекови права.

Меѓу нив е и Сохила Абади, која беше обесена во затвор откако беше осудена за убиство на нејзиниот сопруг, со кој се омажила кога имала само 15 години.

Судот како мотив за убиството ги наведе „семејните спорови“.

Трите жени кои беа егзекутирани во средата се дел од групата од 32 лица егзекутирани во изминатата недела, соопшти иранската организација.

Иранските власти годинава погубиле двојно повеќе луѓе од минатата година, пренесува „Танјуг“.

Групите за човекови права велат дека Иран егзекутира повеќе жени од која било друга земја во светот, а повеќето од нив се обвинети за убиство на нивните сопрузи.