Во пад на ирачки воен хеликоптер загинаа 5 лица

Ирачки воен хеликоптер се урна во четвртокот за време на борбена операција во северен Ирак, при што загинаа сите пет членови на екипажот, соопшти ирачката војска.

Хеликоптерот се урна во близина на градот Амерли, 170 километри северно од Багдад. Не е прецизирано дали хеликоптерот се урнал поради непријателски оган или технички дефект.

И покрај поразот на милитантната група Исламска држава во 2017 година, остатоците од ИД се претворија во напади врз владините сили во различни делови на Ирак.

Ирачките безбедносни сили започнаа многу операции во последните месеци во областа каде што се урна хеликоптерот во потрага по екстремисти, соопштија воени претставници.