Wizz Air со нова линија од Скопје до Салцбург

Wizz Air денеска објави дека ќе започне нова линија од Скопје до Салцбург, Австрија. Планирано e да започне во април 2024 година, преку целата година ќе се изведува три пати неделно во понеделник, среда и петок. Билетите се веќе достапни на wizzair.com или на мобилната апликација на Wizz Air.

„Со задоволство воведуваме нова рута до Салцбург од Скопје. Северна Македонија има значајно место во огромната мрежа на Wizz Air и ние сме горди што сме лидер на пазарот во земјата. Wizz Air останува посветен да им нуди на своите патници извонредни рути и можности за патување со ниски цени за да ги истражуваат атрактивните дестинации во Европа и пошироко”, изјави Тамара Никифорова, менаџер за корпоративни комуникации во Wizz Air.