За време на полициска рација во Рио де Жанеиро убиени најмалку 25 лица

од Stefanija Kuzmanovska

Најмалку 25 лица, вклучително и полицаец, беа убиени за време на полициска рација во фавела во областа Jacакарезињо во Рио де Жанеиро, објави Би-Би-Си во четвртокот попладне.

Локалните медиуми објавија дека полицијата ја започнала операцијата откако добила дојава дека трговци со дрога регрутираат деца за своите банди, кои се вклучени во трговија со дрога, грабежи, убиства и киднапирања.

Во пукањето настрадале и двајца патници во метро- биле погодени од куршуми, но за среќа преживеаја.

Од друга страна, полицијата потврди дека е убиен еден од нивните полицајци – полициски инспектор Андре Леонардо де Мело Фријас.

Инаку, Рио де Жанеиро е еден од најнасилните региони на Бразил, и многу области се контролирани од закоравени криминалци, од кои многу се поврзани со моќни банди за трговија со дрога.

Безбедносните сили во Бразил честопати биле критикувани за прекумерна употреба на сила против цивили за време на нивните антикриминални операции во поголемите градови на земјата.

Фото: Бруно Цесар/АФП

Слични содржини