Хаким Зиеш наскоро ќе се пресели во Милан, информира Sky Sports. Челси го стави мароканскиот интернационалец на трансфер листата откако стана јасно дека тој не е вклучен на сметките на Томас Тухел за новата сезона. „Сините“ од Лондон ќе се засилат со Рахим Стерлинг и нема да има место за Зиеш во составот.
Во Милано добија зелено светло за привлекување на поранешниот играч на Ајакс, а тој ќе биде земен на позајмица, со опција за откуп. Сумата која ја споменуваат медиумите варира меѓу 25 и 27 милиони евра. Самиот Зиеш веќе се согласил да го носи „црвено-црниот“ дрес и покрај тоа што ќе зема помала плата.
Милан не се откажува од преговорите со Бриж ниту за Шарл Де Кетелар. Агентите на белгискиот интернационалец се во Италија и се очекува двете страни да постигнат договор.
„Росонерите“ му понудија на Бриж 20 милиони евра, но нивната понуда беше одбиена. Белгијците јасно ставија до знаење дека ќе го продадат 21-годишниот напаѓач за ни помалку ни повеќе од 30 милиони евра.
Де Кетелар претпочита кариерата да ја продолжи во Милан. Тој дури се консултирал со сонародниците Алексис Салемакерс и Дивок Ориги.