Претседателот на Украина Петро Порошенко изјави дека ако не биде постигнат мир во источна Украина, тој навистина ќе воведе воена состојба, пренесоа агенциите.

Овие позиции Порошенко ги соопшти за време на церемонијата на предавање на воена техника на пограничните трупи.

Уште пред средбата во Минск на седница на Владата предупредив дека ако нема мир, ќе треба да го преземам најтешкото, но потребно решение за воведување на воена состојба.

Уште еднаш нагласувам дека во овој случај воена состојба ќе биде воведена не само во Донецк и Луганск, но и во целата земја, рече Порошенко.

Подоцна денес тој ќе зборува по телефон со лидерите на Франција и Германија и претседателот на САД, наведува Франс прес.

Во меѓувреме, водачот на самопрогласената Доњецка народна република (ДНР) Александар Захарченко изјави дека ДНР ќе го прекине огнот денес на полноќ, согласно договорот, потпишан во Минск на 12 февруари, соопшти ТАСС.

Во Минск на 12 февруари преговараа земјите од “нормандската четворка”, а посебно се одржа состанок на Контакт групата за решавање на ситуацијата во Украина.

Во усвоениот “Комплекс од мерки за исполнување на Минските договори” беше предвидено прекин на огнот од 15 февруари.