Портпаролот на СДСМ, Петре Шилегов, преку својот Фејсбук профил ја најави 35-та „бомба“ на опозицијата, која ќе биде објавена од кампот пред владата.

„Инаку, денешната трибина во Кампот на слободата (18.00 часот) има бајаги бомбастична најава. #35“, напиша Шилегов на Фејсбук.

Според програмата, за вечерва од 18 часот е најавена дискусија насловена како „СКОПЈЕ 2014 НИЗ ПРИЗМАТА НА ГРАЃАНИТЕ”, што укажува на тоа дека денешната „бомба“ би била поврзана со овој контроверзен проект.