Централната банка на Кипар истражува дали има вмешано физички и правни лица во скандалот со Панамските документи и дали истите се поврзани со државата, објави весникот „Политис“.

Претставник на Централната банка Јанкос Димитриу изјави дека се преземаат мерки да се утврди дали кипарските банки применувале процедури за перење пари или финансирање на терористи.

Кипар е една од земјите кои фигурира во Панамските документи на фирмата „Мосак Фонсека“, која има канцеларии и на Кипар.