Грчкиот претседател Алексис Ципрас повика на итен самит на врвот на ЕУ. Овој став на грчкиот премиер му бил пренесен на претседателот на Европскиот совет, Доналд Туск, кој е во посета на Атина.
Ако не се постигне договор за долгот на земјата за време на средбата на Еврогрупата на Малта на 7-ми април
тогаш итно ќе треба да се одржи вонредна средба на врвот на ЕУ.
“Сметам дека работите ќе треба да бидат разгледани на повисоко ниво. Важно е да имаме позитивни резултати до крајот на април. Тоа треба да се случи, дури и да се дојде до средба на земјите од еврозоната. Овие бескрајни преговори треба да бидат завршени. Ова е решението”, изјави Ципрас.
Доналд Туск изјави дека нема друго решение, освен технички договор меѓу Грција и кредиторите, кој треба да се постигне за време на средбата на Еврогрупата. “Нашите министри за финансии ќе треба да ја завршат потребната работа за да постигнат договор. Ова е единствениот позитивен резултат за Грција и целата заедница. Ние сме блиску до склучување на оваа комплексна процедура “, изјави Туск.