68
Лидерот на Социјалдемократска партија на Германија (СПД), Мартин Шулц синоќа потврди дека неговата партија нема да учествува во нова широка коалиција со блокот на Христијанско демократската унија и Христијанско социјалната унија (ЦДУ/ЦСУ).
– Избирачите ја отфрлија широката коалиција, изјави Шулц на регионална партиска конференција во Нирнберг, пред да биде објавено дека не успеаја преговорите за формирање на т.н. „Јамајка“ коалиција меѓу ЦДУ/ЦСУ, Слободната демократска партија (ФДП) и Зелените.
Шулц во петокот рече дека ако преговорите не успеат, треба да се одржат нови избори.
По парламентарните избори во Германија на 24 септември, СПД, која сега е дел од големата колаиицја со ЦДУ/ЦСУ, соопшти дека ќе премине во опозиција.