Претседателот на Европскиот парламент Мартин Шулц го нападна поранешниот премиер на Грција Алексис Ципрас за изборот на неговата радикална левица СИРИЗА да коалицира со десните популисти од партија “Независни Грци”, цитиран од “Гардијан”.

Шулц истакна пред радио France Inter дека не може да разбере зошто Ципрас пак избира коалиција со “Независни Грци”.

Потсетуваме претходната грчка влада беше составена токму од овие две партии. По вчерашната убедлива победа на СИРИЗА на предвремените парламентарни избори во Грција, Алексис Ципрас веднаш најави дека радикалната левица ќе коалицира со “Независни Грци”. Така двете партии ќе имаат 155 места во 300-члениот парламент.

За втор пат прашам Ципрас зошто продолжува да коалицира со чудната крајнодесничарска партија. Тој сеуште не ми даде одговор. Тој е многу умен, особено по телефон. Ми рече нешта кои изгледаат убедливи, но во моите очи се малку чудни, истакна Шулц.

Политичките аналитичари беа шокирани во јануари, кога СИРИЗА и “Независни Грци” потпишаа договор за коалиција.

Брисел би бил среќен ако Ципрас се сојузи со умерената и проевропска партија “Тоа Потами” или ПАСОК, забележува “Гардијан”.