104
Барселона го одреди терминот на одигрување на натпреварот против Вардар во ракометната Лига на шампиони. Мечот кој ќе носи значајни бодови во борбата за првата позиција е закажан за 14 ноември, во 19:30 часот.
Тоа ќе биде натпревар од 7. коло во групата Б, а дотогаш Вардар има шанса дополнително да го зацврсти водството на табелата, во натпреварите со Рајн-Некар (в сабота), Колдинг (18 октомври) и против Кјелце (24 октомври).
Откако „црвено-црните“ ќе гостуваат во „Палау Блауграна“ на 14 ноември, следниот викенд после тоа Барселона ќе дојде во Скопје, на 22 ноември, за возвратниот натпревар, во 8. коло.
Во моментов Вардар води во групата Б со шест бода, еден повеќе од Рајн-Некар и два повеќе од Барселона./МИА