158
Има сериозно приближување на ставовите на двете политички партии во преговорите за спроведување на Договорот од Пржино, изјави денеска лидерот на СДСМ, Зоран Заев, пред средбата со европратениците од сестринските партии.
– Очекувам денеска да има конечен договор за обврските што сите си ги презедовме со Договорот од Пржино. Како што знаете, изборниот законик е договорен, како и анкетната комисија која е врзивно ткиво со законот за влада. Очекувам овие денови да има договор, но тоа зависи од сите преговарачи на маса. За нас алтернатива не постои. Сите опции се отворени, но ние веруваме во Договорот од Пржино – изјави Заев.
Одговарајќи на новинарско прашање, Заев рече дека му е драго што се спроведува законот за специјален обвинител.