Меѓународното жири на 70-тиот филмски фестивал во Кан, на чело со познатиот шпански режисер Педро Алмодовар, ќе го објави вечерва носителот на “Златната палма” – најпрестижната награда на фестивалот на светското кино.
Резултатите ќе бидат објавени на свеченост во палатата на крајбрежниот булевар “Кроазет”.
Во големиот натпревар оваа година се натпреваруваат 19 филма. Меѓу фаворитите се сметаат најновиот филм на култниот руски режисер Андреј Звхагинцев “Нељубов”, британскиот “Ти никогаш не беше тука” на Лин Ремзи, “Кротките” на Украинецот Сергеј Лозница. Сосем јасен фаворит нема и експертите наведуваат дека овогодинешниот фестивал поминал без решителни зборови и фалби. Освен тоа конечната одлука е во рацете на Алмодовар, кој веќе покажал дека воден од сопствената логика, е способен да ги скрши сите предвидувања.
Набљудувачите предвидуваат сериозен успех и на Американецот Тод Хејнс со неговиот “Се утврди од чудо”, “Површина” на Швеѓанецот Рубен Остлунд и “120 удари во минута” на Робин Кампило кој синоќа веќе ја доби наградата на Меѓународната федерација на кинокритиците (FIPRESCI).
11-дневната програма заврши синоќа со настапот на “Ти никогаш не беше тука” на Лин Ремзи. Денес, во текот на целиот ден во просториите на дворецот на “Кроазет” ќе бидат повторени главните конкурентски филмови. Жирито на натпреварот ќе се состане во една од вилите во околината на Кан, каде ќе одлучува за победниците на фестивалот.