Во текот на ноќта украинците со дронови го нападнаа воениот аеродром Морозовск во руската област Ростовска. Очевидци забележале бројни дронови на небото и изброиле повеќе од 60 експлозии, пренесува Украинска правда. По нападот голем број области останаа без електрична енергија.
Василиј Голубев, гувернерот на Ростовската област потврди дека се случил „напад од големи размери“ во месноста Морозовск. Тој објави дека руските противвоздушни сили уништиле повеќе од 40 цели. Тој потврди дека во нападот е оштетена трафостаницата и дека се санира штетата.
Воениот аеродром се наоѓа на 3 километри југозападно од градот Морозовск. На аеродромот се стационирани борбени авиони Су-24, Су-24М и Су-34. Веќе во декември Украинците се обидоа со беспилотни летала да го нападнат тој аеродром, каде што се стационирани авиони кои оперираат на бојното поле во Украина.
На социјалните мрежи се појавија серија видеа на кои се гледаат руските обиди да соборат украински беспилотни летала. И покрај ова, се чини дека најмалку два беспилотни летала погодиле некои од целите на земјата, проследени со експлозии.
⚡️Russian authorities reported a "massive drone attack" on a military airfield in the #Rostov region. Governor Golubev stated that as a result, an electricity substation in the Morozovsky district was damaged.
Alleged videos have been published on local Telegram channels. pic.twitter.com/KYxFmmvaH6
— KyivPost (@KyivPost) April 5, 2024