Израелските одбранбени сили (ИДФ) на своите социјални мрежи објавија неколку видеа од Газа, на кои, како што тврдат, се гледа како Хамас го чува оружјето на места каде си играат деца и лансира ракети во близина на џамии и станбени згради.
Според ИДФ, војниците пронашле четири ракетни фрлачи на пет метри од детски базен и на околу 30 метри од станбени куќи во северниот дел на Појасот Газа, според The Times of Israel.
Едно од видеата покажува соба со детски цртежи, за која се верува дека е игротека, која наводно ја користи Хамас за лансирање ракети кон Израел.
„Се наоѓаме во северниот дел на Појасот Газа. Од едната страна ги гледате овие прекрасни цртежи, додека од другата страна има ракетен фрлач“, изјави командант Томер од 50-тиот баталјон.
This is what we are finding in Gaza.
A building where children play is a Hamas rocket launching site.
You have to see it to believe it: pic.twitter.com/KmMxfbYj93— Israel Defense Forces (@IDF) November 6, 2023
Друго видео покажува искористен ракетен фрлач кој користел струја од џамија.
„Ова е уште еден доказ дека терористичката организација Хамас го користи цивилното население како жив штит за терористички цели“, се вели во соопштението на ИДФ.
WATCH: Hamas turned a mosque into a rocket launching compound.
This is yet another example of Hamas’ shameless exploitation of civilian areas for its terrorist activities. pic.twitter.com/TvKsCdabO4
— Israel Defense Forces (@IDF) November 6, 2023
„Телеграф“ не можел да ја потврди автентичноста на овие снимки.
Во исто време, армијата продолжила да изведува воздушни напади врз цели на Хамас, додека силите ја продлабочија копнената офанзива во Појасот Газа.
ИДФ објави дека од почетокот на копнената офанзива во Појасот Газа, пред една недела, погодиле повеќе од 2.500 цели: копнени, воздушни и поморски.