Маж се самозапали пред израелската амбасада во Вашингтон, соопштија американските служби за итни случаи.
Инцидентот се случил во неделата околу 13 часот по локално време.
Службениците на американската тајна служба го изгаснале пламенот и мажот бил пренесен во болница со критични повреди опасни по живот.
Американските медиуми подоцна ја цитираа портпаролката на американските воздухопловни сили дека човекот бил активен воздухопловец.
Полицискиот оддел во Вашингтон сега води истрага за инцидентот заедно со Тајната служба и другите релевантни органи.
RIP 🙏
This young soldier did something unbearable bloody sad 😔 in front of the Israel embassy in DC pic.twitter.com/6nTf81AQ0E— Robert Simpson (@RobertS28049870) February 26, 2024
Во соопштението се наведува дека полицајците биле испратени да „помогнат на тајната служба на Соединетите држави откако едно лице се самозапалило пред амбасадата“.
Во соопштението се додава дека „возрасниот маж“ потоа бил префрлен во болница каде останал „во критична состојба“.
На социјалните мрежи се појави видео на кое наводно се гледа како мажот извикува „Слободна Палестина“ додека се самозапалува, јавуваат американските медиуми.
Во инцидентот нема повредени од персоналот на амбасадата, изјави портпаролката на амбасадата за The New York Times.
Во соопштение, израелското министерство за надворешни работи наведува дека човекот не му е познат на персоналот на амбасадата.