277
Наградниот фонд за следниот Мундијал во 2022 година треба да изнесува околу 700 милиони долари, што е за 22% повеќе од Светското првенство во Русија.
Износот утврден за осигурување на играчи и клупска компензација ќе се утврди подоцна.
Победникот на Светското првенство ќе заработи 50 милиони долари, додека, на пример, Французите собраа 38 милиони долари пред две години, а Германија по прославата во Бразил во 2014 година – 35 милиони, пренесува Хина.
На тој начин, секој учесник ќе има загарантирани 12 милиони долари. Пласманот во осминафиналето носи уште два, а четвртфиналето дополнителни шест милиони долари.
Влезот во полуфиналето вреди 25 милиони долари, третото место 30, финалето 40 и титулата шампион 50 милиони долари.