Амбасадата на САД во БиХ изјави дека негирањето на геноцид и величањето на воените злосторници се неприфатливи и ја поткопуваат меѓусебната доверба неопходна за напредокот на БиХ на патот кон ЕУ, а чинот на високиот претставник во заминување покажува колку му придава значење на ова прашање, што е важно за стабилноста на БиХ, и го нагласува постојаниот императив секој во БиХ да придонесе за помирување.
Законот за измени и дополнувања на Кривичниот законик на БиХ е почетна точка за поконкретна дискусија и чекори што треба да ги преземат локалните актери во врска со практичното спроведување.
– Мора да потенцираме дека геноцидот во Сребреница не е тема за дискусија, туку историски факт. Подеднакво е важно да се нагласи дека овие ужасни злосторства не се одраз или осуда на целата нација. Славењето на воените злосторници од двете страни или непочитувањето на страдањата на која било заедница во БиХ го влошува сеќавањето на жртвите и го нарушува помирувањето. Време е за вистински пресврт кон иднина што ќе се заснова на мир и взаемна доверба. Ние ги поддржуваме сите во БиХ чии напори се насочени кон зајакнување на темелите на мирот и попросперитетна иднина, како и мандатот на високиот претставник за следење на спроведувањето на цивилните аспекти на Дејтонскиот мировен договор и негово поддржување, изјавија од Амбасадата на САД.