Тренерот на Реал Мадрид, Карло Анчелоти е категоричен дека ја почитува одлуката на играчот од средниот ред Тони Крос да се пензионира ова лето, иако тој признава дека Лос Бланкос ќе се мачат да најдат соодветна замена за клупската легенда.
„Искусните играчи, легендите сами мора да одлучуваат за својата судбина. Тони ја донесе таа одлука и ние мора да го почитуваме тоа. Неопходно е да се збогуваме со него на најдобар можен начин. Го почитувам неговиот избор кој е на човек со ја*ца, тоа е реалноста. Да се замени таков човек е речиси невозможно, но овој тим има млади играчи кои треба да ја преземат одговорноста и да продолжат по добро изгазениот пат во последните десет години. Секоја година губиме дел од составот, но не и атмосферата, односот и посветеноста. Мора да ја одржуваме оваа чиста атмосфера. Тони беше уверен во својата одлука. Би било совршено да се збогувате вака. Треба да имаш храброст да донесеш таква одлука и јас многу го почитувам поради тоа, истакна Анчелоти.