Apple поднесе тужба против NSO Group, обвинувајќи ја компанијата за шпионирање на владата преку насочени уреди на Apple.
Покрај казната за NSO, Apple бара и да и се забрани на компанијата за развој на софтвер да ги користи производите на Apple во нејзиното идно истражување.
Вишиот потпретседател на NSO Group истакна дека софтверот на компанијата Pegasus е наменет само за следење на мал број луѓе на повеќе платформи, вклучувајќи го и Android.
Сепак, Apple нагласи дека целите често биле активисти, новинари и други критичари на режимот, со што рутински се потиснувале политичките несогласувања. Компанијата дополнително ја обвини NSO за „флагрантно кршење“ на законите на федерално и државно ниво во САД.
Тужбата, исто така, фрла повеќе светлина врз малициозниот софтвер на NSO, наречен „FORCEDENTRY“. Според Apple, натрапниците ја форисирале „FORCEDENTRY“ создавајќи лажни Apple ID да испраќаат злонамерен код, без предупредување за потенцијалните цели. Apple истакна дека серверите на компанијата не биле компромитирани во тој процес, но јасно е дека компанијата не е воодушевена што нејзините акаунт системи биле користени за споменатиот надзор.
Покрај тужбата, Apple ветува дека ќе донира 10 милиони долари (плус каква било отштета) на групи кои се спротивставуваат или го истражуваат овој тип на дигитален надзор.
NSO моментално нема премногу сојузници. WhatsApp, на пример, ја обвини NSO за олеснување на нападите врз владини претставници и ги отфрли негирањата од страна на креаторот на Pegasus.
Технолошката индустрија го гледа NSO како закана за приватноста на своите корисници (а со тоа и нивната репутација), и нема да биде изненадувачки ако другите компании ја поддржат иницијативата на Apple.