Бајден го осуди повлекувањето на Анкара од Истанбулската конвенција за заштита на жените

Американскиот претседател Џо Бајден го опиша повлекувањето на Турција од Истанбулската конвенција за заштита на жените од насилство како „длабоко разочарувачко“ и како чекор назад во напорите да се стави крај на насилството врз жените.

„Државите треба да работат на зајакнување и обновување на своите ветувања за ставање крај на насилството врз жените, а не да ги отфрлаат меѓународните договори што ги штитат жените и ги изведуваат сторителите пред лицето на правдата“, рече Бајден.

Бајден рече дека потегот на Анкара е разочарувачки чекор наназад за меѓународното движење кое се бори за ставање крај на насилството врз жените ширум светот.