Лекарите од брза помош се собираат преку социјалните мрежи и со своевиден перформанс им даваат поддршка на бројните уапсени демонстранти во Белорусија. Слична акција беше спроведена и од новинарите за поддршка на приведените, но и нивна колешка која е во затвор затоа што таа во своите написи пишуваше за убиениот демонстрант Раман Бандаренка. Полицијата го уапсила Бандаренко, ден откако бил брутално претепан и починал во болницата од ударите што ги добил.
#Belarus Emergency hospital doctors are rallying in solidarity with those detained. They are holding sheets of paper reading zero ppm. Raman Bandarenka had zero alcohol in blood, despite #Lukashenko claimed he was drunk. Their pose – this is how people have to stand for hours pic.twitter.com/6TKsXc2dc5
— Hanna Liubakova (@HannaLiubakova) November 24, 2020
Во знак на солидарност со илјадниците уапсени демонстранти во Белорусија, лекарите од брзата помош се собраа преку социјалните мрежи. Со рацете потпрени на ѕидот, тие држат листови хартија, на кои се наоѓаат резултатите од крвта на убиениот демонстрант Раман Бандаренка, каде може да се види дека младиот човек немал алкохол во крвта.
Имено, официјалното објаснување за причината за смртта на опозицискиот активист е дека млад човек во алкохолизирана состојба се степал на улица и дека подоцна починал во болница од тепањата што ги добил. Во обраќањето до јавноста, претседателот на Белорусија, Александар Лукашенко, исто така, изјави дека Бандаренка бил пијан и предизвикал тепачка на улица.
#Belarus @tutby journalists organised the same flashmob in their newsroom in support of those detained and their journalist Kaciaryna Barysevich, who is now being held at the KGB prison for proving that Raman #Bandarenka had zero alcohol in his blood pic.twitter.com/vl1JTBfa9E
— Hanna Liubakova (@HannaLiubakova) November 24, 2020
Новинарите на една редакција ја организираа истата акција за поддршка на уапсените и нивната новинарка Качиарина Баришевиќ, која сега е во затвор за нејзините текстови во кои тврди дека Раман Бандаренка немал алкохол во крвта.