166
Високиот претставник на Европската унија за надворешна политика и безбедност, Жозеп Борел, рече дека либералните демократии не можат да живеат без веродостојни информации, додавајќи дека дезинформациите ја ослабуваат структурата на општеството.
„Постојаниот проток на лаги има за цел да ја всади идејата дека сите информации се неверодостојни и недоверливи. Да се шири чувството дека ништо не е вистина и сè е лага. Дека не постои вистина и дека нема ништо на кое може да му се верува“, наведе Борел на прес-конференција во Брисел.
Тој додаде дека тоа е опасно, додавајќи дека дезинформациите ја ослабуваат структурата на општеството и ја трујат демократијата.