Дваесет и двегодишниот Свен Баџак, студент од БиХ, е убиен во Лондон, пренесуваат британските медиуми.
Според весниците „Сан“ и „Мирор“, младиот човек бил прободен со нож во градска област во северозападен Лондон.
Младиот човек починал на самото место, а лекарите се борат за животот на неговиот пријател Боби, кој исто така бил нападнат.
Мајката на Свен, Јасна, по потекло од Мостар, за „МајЛондон“ изјави дека тој е нејзиното единствено дете и дека тој бил одличен студент кој сака да стане адвокат.
Пред нападот, според медиумите, младиот човек купил сок во блиската продавница, а потоа бил нападнат и убиен.
„Му се јавив, но тој не ми одговори. Мислев дека игра фудбал или нешто слично, но тогаш дојде полицијата и ми рече дека Свен е мртов“, изјавила скршената мајка, пренесува „Вечерњи лист“.