Бугарија соопшти дека очекува да биде изземена од ембаргото на ЕУ за руската нафта бидејќи е зависна од неа.
Единствената нафтена рафинерија во Бугарија во близина на црноморското пристаниште Бургас е во сопственост на рускиот нафтен гигант ЛУКОИЛ и е главен снабдувач со гориво во земјата.
Вицепремиерот Асен Василев рече дека рафинеријата веќе преработува и до 50 отсто од сурова нафта што не е од Русија и дека теоретски треба целосно да престане да увезува руска нафта.
„Бугарија, технолошки, може без руска сурова нафта, но тоа значително ќе ги зголеми цените на горивата. „Во случај Европската комисија да направи исклучок, ние би сакале да го искористиме тоа“, рече Василев.
Словачка и Унгарија веќе побараа такви исклучоци.
Русија минатата недела ја прекина испораката на гас за Бугарија како одговор на одбивањето на Софија да го плати во рубљи, велејќи дека ги прекршува договорите.