Метју Пери, популарниот Чендлер од култната серија „Пријатели“, се отвори за неговата борба со зависноста од дрога и за тоа како за малку ја избегнал смртта од предозирање пред четири години.
53-годишниот актер ги претстави своите нови мемоари Friends, Lovers, And The Big Terrible Thing во новото интервју за магазинот People, во кое зборува за своите проблеми со дрогата и алкохолот.
Пери во книгата открил дека за малку ќе умрел пред четири години кога му пукнало дебелото црево поради предозирање со дрога.
Тој поминал две недели во кома, а пет месеци во болница.
„Лекарите му кажаа на моето семејство дека шансите да преживеам се околу два отсто. Ме ставија на ECMO машина која ги извршува функциите на белите дробови и срцето. Ретко кој го преживува тоа“, се сеќава Пери.
Ѕвездата на „Пријатели“ искрено проговори и за неговата постојана борба со зависноста, како и за тоа дека 15 пати одел на рехабилитација.
„Сега сум прилично здрав“, заклучи Пери.