Според зборовите на д-р Алисон Чес, директорка во „Centry Eating Recovery“, јадењето под стрес е кога го користите внесот на храна како одговор на вашите емоции, наспроти всушност задоволувањето на нутритивните потреби на вашето тело.
„Притоа јадете повеќе од потребното и многу подолго откако ќе се заситите“, објаснува Чес.
Таа даде и неколку совети како да се однесувате во такви ситуации.
Бидете свесни за тоа што правите и што внесувате во вашето тело
Најпрво, Чес препорачува да ја зголемите вашата свест за ситуациите што предизвикуваат такво јадење.
„Фокусирајте се на препознавање на знаците и околностите на стресното јадење, како и на храната по која посегнувате“, вели таа.
Планирајте го секој оброк и ужина
Ако веќе рутински сте до лактите во вреќа со чипс поради претстојните обврски, станете свесни за тоа и обидете се да спречите такво однесување. Подгответе и планирајте здрави оброци во текот на денот, вели д-р Рејчел Голдман, психолог од Њујорк.
Планирањето на појадок, ручек, закуски и вечера ги спречува луѓето да јадат неконтролирано само затоа што чувствуваат притисок.
Не штедете на вода или сон
Не е невообичаено да се мешаат дехидрацијата или заморот со глад или желба за храна, бидејќи тие се чувствуваат слично.
Кога не пиете доволно вода, вашето тело ќе почне да се потпира на складираниот шеќер за енергија, што ќе ве натера да копнеете по нешто слатко кога се што ви треба е хидратација. Кога сте уморни, ќе посакате енергија од храната дури и ако всушност не сте гладни.
Уживајте во ужината, но свесно
Ако грицкате за да се ослободите од стресот, Голдман предлага да се одморите и да бидете совршено искрени со себе. Земете неколку длабоки вдишувања и навалете се во она што го чувствувате пред да посегнете по грицките.
„Ако некој јаде премногу сладолед, тој може да се чувствува виновен потоа, а таа вина ќе влијае на нивните последователни мисли, емоции и однесувања“, објаснува Голдман.
Ова можете да го избегнете со тоа што ќе си признаете од каде е вашата потреба, кон што е насочена, но и со одвреме-навреме отпуштање на сопирачките. Премногу стигматизирање на таквите желби само води до фрустрација и уште поголема потреба. Препуштете се, но обидете се да го правите тоа умерено, пишува „Women’s Health“, пренесува „Index.hr“.