Актерот Ештон Качер откри дека автоимуното нарушување го оставило без способности да гледа, слуша или оди.
„Како пред две години, ја имав оваа чудна, супер-ретка форма на васкулитис што ми го уништи видот, ми го уништи слухот, ми ја уништи рамнотежата“, изјави Кучер (44). Тој рече дека му била потребна околу една година да го обнови секое сетило.
Васкулитисот е многу ретко автоимуно нарушување кое може да предизвика воспаление на крвните садови, што резултира со ограничен проток на крв, според Клиниката Мајо. Постојат многу видови на васкулитис, но повеќето влијаат на барем еден орган.
„Навистина не го цените тоа додека не го снема“, рече Качер. „Сè додека не кажете: „Не знам дали некогаш ќе можам повторно да видам, не знам дали некогаш повторно ќе можам да слушнам, не знам дали некогаш ќе можам повторно да одам“.
„Имам среќа што сум жив“, додаде тој, пренесува „Page Six“.
Сега целосно закрепнат, актерот вели дека не дозволува ниту еден предизвик да му застане на патот до успехот.
„Во моментот кога ќе почнете да ги гледате вашите препреки како работи што се направени за вас, да ви го дадат она што ви треба, тогаш животот почнува да станува забавен, нели? рече Качер, кој има две деца со сопругата Мила Кунис.
„Почнувате да сурфате над вашите проблеми наместо да живеете под нив“, потенцирал актерот.