Претседателката на Европската комисија (ЕК), Урсула фон дер Лејен денеска изјави дека ЕУ останува солидарна со Украина.
Таа истовремено најави мерки за зајакнување на конкурентноста и економијата на Унијата.
Фон дер Лејен рече дека ЕУ работела на намалување на енергетската зависност од Русија, известувајќи дека пополнетоста на складиштата за гас е 84 проценти.
Исто така, таа подвлече дека мора да се работи на диверзификација. „Минатата година рускиот гас сочинуваше 40 отсто од нашиот увоз, а денес е само девет отсто“, рече таа.
Укажа на растот на цените, велејќи дека е неопходно да се преземат мерки за нивно намалување.
Таа побара членките на ЕУ да ја намалат потрошувачката на електрична енергија, дека е неопходно да се дели профитот од енергетските извори и да се канализира таму каде што е потребно.