274
Идната германска влада сака вакцината против коронавирус да биде задолжителна за сите вработени во болниците, домовите за стари и немоќни лица и другите здравствени институции од 16 март, според нацрт-законот до кој Ројтерс имал пристап.
Германија досега се воздржуваше од воведување задолжителна вакцинација поради страв од недостиг на медицински персонал и негувателки. Но, поддршката за овој потег се зголеми откако земјата се соочи со зголемување на случаите на инфекција во четвртиот бран на пандемијата.
Социјалдемократите, Зелените и Либерално-демократската партија, кои треба да ја претстават новата влада во среда, имаат намера да поднесат нов закон до парламентот следната недела.