Ѓоковиќ продолжува по план на УС Опен

Најдобриот тенисер на светот, Новак Ѓоковиќ без проблеми помина во третото коло на УС Опен.

Во второто коло, Србинот го победи холандскиот играч Талон Грикспур, 121 -иот рекет во светот, со резултат 3:0 во сетови.

Србинот го зеде првиот сет со 6: 2, откако му одзеде два сервиса на противникот.

Во вториот сет, светскиот рекет бр.1 веднаш направи брејк, Грикспор врати во седмиот гем, но повторно го загуби сервисот, а сетот му припадна на Ѓоковиќ со резултат 6:3.

Третиот сет за Србинот беше само формалност, а го доби со 6: 2 со два брејка.

Ѓоковиќ го очекува дуел со Јапонецот Кеи Нишикори во борбата за осминафиналето.