Еден од најдобрите тренери во историјата на кошарката, Грег Поповиќ (71), не е познат само по своето беспрекорно знаење за овој спорт, туку и за делувањето надвор од теренот …
Никогаш не се плашел да зборува „надвор од шаблонот“, да ги коментира социјалните проблеми, политиката, па не ја пропушти можноста да проговори за случајот „Џорџ Флојд“.
Грег Поповиќ, кој отворено го нарекува претседателот на Соединетите држави „обична будала“, во емотивна порака објавена на официјалните канали на Сан Антонио, зборуваше за деликатниот момент во историјата на човештвото, велејќи дека „правата и привилегиите“ мора да важат за сите луѓе.
„На некој чуден начин, можеби добивме најдобар момент да научиме од оваа трагедија од изразот на лицето на полицаецот … Така белите луѓе гледаат колку е ноншантален, колку е секојдневно тоа за него, па дури и ја стави раката во левиот џеб и притисна друго лице на вратот со колено за да му отчита лекција. Тој едноставно смета дека тоа е негово право, дури и негова должност“, започна Грег Поповиќ.
„Не знам, мислам дека сум засрамен како белец што знам дека може да се случат вакви работи. Да го видиме тоа во реалноста. Го видовме тоа во книги, црни луѓе обесени на дрвјата, но сега тоа се случува повторно. Никогаш не мислев дека ќе го видам тоа денес со свои очи “.
Грег Поповиќ посочува дека белците „мораат да направат нешто“ затоа што промените нема да се случат сами по себе, и тој посочува дека неговата нација напредувала само заради упорноста на црните луѓе.
„Историјата на нашата нација беше лага на многу начини од самиот почеток. Ние продолжуваме денес да се обидуваме да ја направиме таа лага вистина. Правата и привилегиите мора да важат за сите луѓе. На нас зависи од тоа да ја кажеме вистината, без оглед на последиците, таа вистина да има моќ. Мора да зборуваме, не смееме да дозволиме работите едноставно да се случат“, заврши Грег Поповиќ.
“It’s got to be us that speak truth to power, that call it out no matter the consequences. We have to not let anything go. Our country is in trouble and the basic reason is race.”#SpursVoices pic.twitter.com/uTyOIzGnTg
— San Antonio Spurs (@spurs) June 6, 2020