Грковска: Отпуштања и смена на лицата од јавниот сектор кои нема да штедат

Заменичката на претседателот на Владата на Република Северна Македонија задолжена за политики за добро владеење Славица Грковска вели дека се можни отпуштања и смени на оние лица од јавниот сектор кои нема да штедат.

-Санкциите се тука. Механизмите се на располагање, како и алатката и начинот за кратење на трошоците. Мислам дека оваа Влада покажа како се случуваат работи кои досега не биле видени од претходниците. Тоа е дел од процесот на одговорност и менаџирање на институциите и ќе продолжи понатаму, како што најави премиерот Ковачевски, рече Грковска во емисијата „Топ тема“.

Грковска најави дека се можни промени и на уште неколку раководни позиции на институции кои се под директна капа на Владата.