622
Претседателот на Алијансата за иднината на Косово (АБК), Рамуш Харадинај денеска предложи во Приштина да се формира преодна влада во која ќе бидат вклучени сите партии, вклучително и Самоопределување, но не и претседателот на таа партија и актуелниот премиер, Албин Курти.
„Разговаравме за можноста за формирање влада на национално единство, во која ќе бидат вклучени сите политички партии, вклучително и Самоопределување, без Курти, до следните избори“, изјави Харадинај по лидерската средба на АБК, пренесуваат косовските медиуми.
Тој додаде дека имало сериозна дискусија за ситуацијата на Косово.